O equipo infantil do Armenteira C.F. estréase ante o Unión Dena

O equipo de categoría infantil do Armenteira C.F. para a temporada 2015/2016 terá o seu estreo este sábado a partires das 10 horas nun partido amigable no campo de As Cachizas ante o Unión Dena C.F. Será un partido no que os espectadores poderán observar moitas novidades, xa que aos xogadores do Armenteira C.F. que para esta temporada pasan á categoría infantil se suman as cesións que, como froito do convenio co C. Xuventude Cambados, realizou este clube ao conxunto verdinero. Ademais o equipo meisino estreará unha nova equipación, patrocinada pola empresa Autoescuela Caldas. Esta proba serviralle ao técnico verdinegro Martín Casais para comprobar o estado dos seus xogadores a unha semana para o inicio da liga.

O Armenteira Veteranos trae un punto da súa visita a Cangas

O Armenteira Veteranos logrou na tarde do pasado sábado un empate a dous goles no partido que disputou no campo de Monte Carrasco, en Cangas do Morrazo. Foi un partido equilibrado no que o equipo celeste se adiantou por dúas veces, por mediación de Manueliño e Galiñanes,  e no que, a pesares de dispoñer de ocasións para conseguir os tres puntos, tivo que conformarse cun empate que lle serve para inaugurar o marcador na presente temporada.

O Armenteira Veteranos desprázase ata Cangas na segunda xornada de liga

Despois da dolorosa derrota da fin de semana pasada por un gol a cinco ante o Catoira-Restaurante Xiabre o Armenteira Veteranos desprázase na segunda xornada de liga ata a Península do Morrazo, onte se enfrontará ao Montecarrasco Veteranos o próximo sábado no campo de Monte Carrasco a partires das 17 horas. O equipo celestre agarda estrear o seu casilleiro de puntos fronte a un rival que se atopa na mesma situación, xa que caiu derrotado na primeira xornada ante o Peña Rácing por dous goles a un.

Comezo de liga con derrota do Armenteira Veteranos

O Armenteira Veteranos comezou con mal pé a liga, no que era o seu estreno no grupo 4B, ao que logrou ascender a temporada pasada. Foi cunha abultada derrota por un gol a cinco ante o Catoira-Restaurante Xiabre, nun partido no que o equipo local conseguiu adiantarse cun gol de Rafa nada máis comezar o encontro, pero que co avance dos minutos se viu claramente superado ante un rival que demostrou ter máis experiencia na categoría.

O equipo alevín do Armenteira C.F. deixa boas sensacións nos primeiros encontros de pretemporada

A participación do equipo alevín do Armenteira C.F. deixou ver algúns detalles do que será este conxunto na presente temporada. No III Torneo de Vilanova de Arousa, disputado a pasada tarde no campo de O Terrón, o Armenteira C.F. estaba encadrado no grupo D, e tivo que enfrontarse ao C.D. Arcade, o equipo máis potente do grupo, ante o que caiu derrotado por 5-0, posteriormente ao A.D. Arousa F-7, ao que derrotou por 3-0, con tantos de Íñigo, Zubo e o debutante Junior, e ao Céltiga F.C., xa pola tarde, ante o que caiu por 3-0. A pesares de contar con algunha baixa importante, a escadra verdinegra deixou boas sensacións e os membros da expedición do clube que se trasladaron a Vilanova de Arousa regresaron satisfeitos da imaxe dada polo equipo.

O Armenteira Veteranos inicia a temporada ante o Catoira

Este sábado, a partires das 18:00 horas, o Armenteira Veteranos comeza a temporada co encontro que disputará no campo de O Leixo ante o Catoira-Restaurante Xiabre. Será o estreno do equipo celeste no grupo 4A, ao que logrou ascender tras a boa campaña realizada a temporada pasada.

O equipo alevín do Armenteira C.F. afronta os seus primeiros partidos de pretemporada

O equipo alevín do Armenteira C.F., que volve a dirixir por segunda temporada consecutiva Jonathan Crespo, afronta este sábado os seus primeiros partidos de pretemporada. Será no III Torneo de pretemporada de fútbol-8 de Vilanova de Arousa, no que quedou encadrado no grupo D xunto co Céltiga F.C., o A.D. Arousa F-7 e o C.D. Arcade, clube co que empezará a competición a partires das 11:30 horas.