O Armenteira Veteranos visita Catoira na décimo oitava xornada de liga

O Armenteira Veteranos desprázase esta fin de semana ata terras viquingas, onde o sábado, a partires das 16:15 se mide ao Catoira-Restaurante Xiabre-Abalo, un conxunto que se levou por un claro dous a cinco o partido da primeira volta no campo de O Leixo. O cadro catoirense ocupa a décimo cuarta posición na táboa, con quince puntos, doce menos que o conxunto que capitanea José Luis Galiñanes. O Armenteira Veteranos non poderá dispoñer de todos os xogadores pero acude con esperanza de traer un resultado positivo do campo de As Lombas para consolidarse na zona tranquila da táboa e non perder de vista os postos de ascenso.